Ar y dudalen hon mae mapiau rhyngweithiol o etholaethau’r Senedd sy'n dangos data ar gyfer nifer o themâu: demograffeg, economi, addysg, iechyd, a thai.
Cliciwch y penawdau i’w hehangu. O dan bob pennawd mae map yn dangos data’r set ddata gyntaf yn ôl thema. Er enghraifft, mae'r map ar gyfer demograffeg yn dangos cyfanswm y boblogaeth. Wrth hofran dros bob etholaeth Senedd, fe welwch nifer y bobl ar y rhestr etholiadol, canran y bobl 0-15 oed, 16-64 oed a 65+ oed, a chanran y boblogaeth 3+ oed sy'n medru Cymraeg.
Mae tabl o dan bob map yn dangos yr un data ar gyfer rhanbarthau'r Senedd a Chymru gyfan.
Gellir llwytho'r set ddata gyfan o wefan Llywodraeth Cymru: Data ar gyfer ardaloedd etholaethol Senedd Cymru: 2021.
Poblogaeth fesul etholaeth y Senedd
Proffiliau’r rhanbarthau
| Rhanbarth | Cyfanswm y boblogaeth | Rhestr etholiadol | 0-15 oed | 16-64 oed | 65+ oed | Siaradwyr Cymraeg |
|---|---|---|---|---|---|---|
| Gogledd Cymru | 637828 | 483739 | 18% | 59% | 23% | 27% |
| Canolbarth a Gorllewin Cymru | 581450 | 446524 | 17% | 58% | 26% | 36% |
| Gorllewin De Cymru | 553400 | 413569 | 17% | 62% | 20% | 12% |
| Canol De Cymru | 725711 | 523096 | 18% | 64% | 17% | 11% |
| Dwyrain De Cymru | 654490 | 491142 | 19% | 61% | 20% | 10% |
| Cymru | 3152879 | 2358070 | 18% | 61% | 21% | 19% |
Ffynhonnell: Llywodraeth Cymru
Amcangyfrifon canol blwyddyn 2019 yw’r poblogaethau, yn cynnwys y dadansoddiadau ar sail oedran. Mae'r gofrestr etholiadol fel yr oedd ar 2 Mawrth 2020. Mae siaradwyr Cymraeg yn cyfeirio at ganran y boblogaeth 3+ oed sy'n gallu siarad Cymraeg yn ôl Cyfrifiad 2011.
Cyfradd cyflogaeth fesul etholaeth y Senedd
Proffiliau’r rhanbarthau
| Rhanbarth | Cyfradd cyflogaeth | Enillion wythnosol gros canolrif | Canran y rhai sy'n hawlio budd-dal diweithdra |
|---|---|---|---|
| Gogledd Cymru | 75.1% | £559.39 | 5.8% |
| Canolbarth a Gorllewin Cymru | 73.4% | £515.44 | 4.9% |
| Gorllewin De Cymru | 70.5% | £527.80 | 5.4% |
| Canol De Cymru | 73.3% | £536.99 | 6.0% |
| Dwyrain De Cymru | 73.1% | £548.48 | 6.0% |
| Cymru | 73.2% | £537.81 | 5.7% |
Ffynhonnell: Llywodraeth Cymru
Mae cyfraddau cyflogaeth yn cyfeirio at gyfnod o dair blynedd, o'r flwyddyn a ddaeth i ben ym mis Medi 2018 i'r flwyddyn a ddaeth i ben ym mis Medi 2020. Mae hyn yn caniatáu i amcangyfrifon gael eu llunio o sampl fwy, sy’n gwneud y data'n fwy cadarn.
Mae amcangyfrifon o enillion wythnosol gros canolrifol yn defnyddio data o'r Arolwg Blynyddol o Oriau ac Enillion (ASHE) ac yn cynnwys swyddi cyflogeion yn 2020. Nid yw'n cynnwys pobl hunangyflogedig na chyflogeion nas talwyd yn ystod y cyfnod cyfeirio. Mae amcangyfrifon o enillion wythnosol yn ymwneud â chyflogeion ar gyfraddau cyflog oedolion nad oedd absenoldeb yn effeithio ar eu henillion am gyfnod tâl yr arolwg. Maent yn seiliedig ar weithle yn hytrach nag ar breswylfa. Mae'r amcangyfrifon ar gyfer 2020 yn cynnwys cyflogeion sydd wedi bod ar ffyrlo o dan y Cynllun Cadw Swyddi drwy gyfnod y Coronafeirws (CCSC).
Data dros dro yw data canran y rhai sy'n hawlio budd-dal diweithdra. Mae'n cynnwys y rhai sy’n hawlio’r Credyd Cynhwysol sy'n ddi-waith yn ogystal â’r rhai sy’n hawlio’r Lwfans Ceisio Gwaith. Wrth i Wasanaeth Llawn Credyd Cynhwysol gael ei gyflwyno, mae’n debygol y bydd cynnydd yn nifer y bobl y cofnodir eu bod yn ei hawlio.
Canran yr oedolion o oedran gweithio (18 i 64) heb gymwysterau fesul etholaeth y Senedd
Proffiliau’r rhanbarthau
| Rhanbarth | Dim cymwysterau | Cymwysterau NQF lefel 4+ | Disgyblion ysgol gynradd sydd â hawl i brydau ysgol am ddim | Disgyblion ysgol uwchradd sydd â hawl i brydau ysgol am ddim | Disgyblion ysgol gynradd ag AAA | Disgyblion ysgol uwchradd ag AAA |
|---|---|---|---|---|---|---|
| Gogledd Cymru | 7.5% | 36.4% | 19.8% | 16.8% | 18.4% | 19.7% |
| Canolbarth a Gorllewin Cymru | 7.4% | 38.9% | 16.2% | 14.3% | 22.9% | 25.5% |
| Gorllewin De Cymru | 9.5% | 36.0% | 23.5% | 19.3% | 20.5% | 21.9% |
| Canol De Cymru | 8.0% | 44.3% | 22.4% | 19.8% | 16.8% | 19.0% |
| Dwyrain De Cymru | 9.3% | 34.4% | 21.6% | 19.5% | 17.8% | 21.6% |
| Cymru | 8.3% | 38.3% | 20.8% | 18.1% | 19.0% | 21.3% |
Ffynhonnell: Llywodraeth Cymru
Cyfartaledd dwy flynedd ar gyfer 2018 a 2019 yw’r data cymwysterau. Oherwydd nifer isel yr ymatebion i'r arolwg, mae'r ffigurau ar gyfer y rhai heb gymwysterau yn Sir Drefaldwyn, Gŵyr, Canol Caerdydd a Gogledd Caerdydd o ansawdd isel.
NQF yw'r Fframwaith Cymwysterau Cenedlaethol, a lefel 4 yw lefel addysg uwch neu gymwysterau cyfatebol.
AAA yw Anghenion Addysgol Arbennig. Mae data ar gyfer AAA a phrydau ysgol am ddim yn cyfeirio at 2020 ac mae'n seiliedig ar y disgyblion sy'n mynd i ysgolion yn yr ardal, yn hytrach na'r disgyblion sy'n byw yn yr ardal. Bydd rhai gwahaniaethau rhwng y ddau, yn enwedig yn yr etholaethau llai.
Canran yr oedolion â salwch hirsefydlog fesul etholaeth y Senedd
Proffiliau’r rhanbarthau
| Rhanbarth | Oedolion â salwch hirsefydlog | Disgwyliad oes dynion adeg eu geni | Disgwyliad oes merched adeg eu geni |
|---|---|---|---|
| Gogledd Cymru | 45% | 78.98 o flynyddoedd | 82.20 o flynyddoedd |
| Canolbarth a Gorllewin Cymru | 48% | 79.17 o flynyddoedd | 83.15 o flynyddoedd |
| Gorllewin De Cymru | 50% | 77.55 o flynyddoedd | 81.76 o flynyddoedd |
| Canol De Cymru | 42% | 78.36 o flynyddoedd | 82.40 o flynyddoedd |
| Dwyrain De Cymru | 46% | 78.21 o flynyddoedd | 81.94 o flynyddoedd |
| Cymru | 46% | 78.52 o flynyddoedd | 82.32 o flynyddoedd |
Ffynhonnell: Llywodraeth Cymru
Mae'r ffigurau ar gyfer salwch hirsefydlog yn seiliedig ar ddwy flynedd o ddata gyda’i gilydd (2017-18 a 2018-19). Er hynny, mae maint y samplau ar gyfer rhai ardaloedd eto’n gymharol fach a dylid trin y canlyniadau â gofal. Gan mwyaf, mae'r canlyniadau'n debygol o fod o fewn +/- 4 o bwyntiau canran i'r ffigurau a ddangosir. Nid yw'r canlyniadau wedi'u safoni i ystyried y gwahanol broffiliau oedran ym mhob ardal. Mae'n debygol bod rhai o'r gwahaniaethau rhwng ardaloedd i’w priodoli i wahanol broffiliau oedran. Mae data'n cynnwys etholaethau San Steffan yn hytrach na rhai’r Senedd, er eu bod yn union yr un fath, ac eithrio Pontypridd ac Ogwr lle mae tair Ardal Gynnyrch wedi’u dyrannu'n wahanol.
Prisiau eiddo canolrifol fesul etholaeth y Senedd
Proffiliau’r rhanbarthau
| Rhanbarth | Pob eiddo | Tai sengl | Tai pâr | Tai teras | Fflatiau / fflatiau deulawr |
|---|---|---|---|---|---|
| Gogledd Cymru | £160000 | £222748 | £148500 | £120000 | £113500 |
| Canolbarth a Gorllewin Cymru | £165000 | £230000 | £139000 | £120000 | £101000 |
| Gorllewin De Cymru | £145000 | £235000 | £142748 | £109000 | £112750 |
| Canol De Cymru | £182000 | £320995 | £200000 | £148000 | £139995 |
| Dwyrain De Cymru | £155000 | £277500 | £164250 | £119950 | £98000 |
| Cymru | £162500 | £249950 | £155000 | £121500 | £125500 |
Ffynhonnell: Llywodraeth Cymru
Mae Data Pris a Dalwyd y Gofrestrfa Tir yn cynnwys dim heblaw’r cofnodion ar gyfer eiddo preswyl sengl a werthwyd am werth llawn y farchnad. Er mwyn osgoi gogwyddo data prisiau tai yn systematig, nid yw'r Gofrestrfa Tir yn cynnwys cofnodion o werthiannau nad oeddent am werth llawn y farchnad. Nid yw'r rhain yn y data gan y Gofrestrfa Tir; byddai eu cynnwys yn lleihau ystyrlondeb ffigur prisiau tŷ cyfartalog. Rhestrir yr hepgoriadau eraill o'r data prisiau tai hyn ar Wefan Llywodraeth y DU.
