Cyflwynwyd Bil yr Amgylchedd (Egwyddorion, Llywodraethiant a Thargedau Bioamrywiaeth) (Cymru) i’r Senedd ddydd Llun 2 Mehefin 2025.
Mae’r dudalen hon yn dwyn ynghyd gyhoeddiadau allweddol gan Ymchwil y Senedd i gefnogi’r gwaith o graffu ar y Bil. Caiff ei diweddaru wrth i’r Bil fynd drwy broses ddeddfwriaethol y Senedd.
Gallwch ddilyn hynt y Bil ar dudalen Bil yr Amgylchedd (Egwyddorion, Llywodraethiant a Thargedau Bioamrywiaeth) (Cymru). Yno, ceir y Bil ei hun a’r Memorandwm Esboniadol, sy’n cynnwys Nodiadau Esboniadol ac Asesiad Effaith Rheoleiddiol.
Cyhoeddiadau Ymchwil y Senedd ar y Bil
- Geirfa Ddwyieithog Ymchwil y Senedd. Rhestr o dermau newydd a thermau technegol a ddefnyddir yn y Bil. Bwriedir iddi gynorthwyo gwaith craffu dwyieithog.
Cyhoeddiadau Ymchwil y Senedd sy’n rhoi gwybodaeth gefndir
- Briff Ymchwil y Senedd: Targedau bioamrywiaeth ac egwyddorion amgylcheddol. Papur briffio sy’n rhoi gwybodaeth gefndir am faterion polisi yn y Bil, yn trafod cynigion y Papur Gwyn ar dargedau ac egwyddorion, ac yn cynnig cymhariaeth â’r trefniadau yng ngwledydd eraill y DU (19 Mai 2025).
- Briff Ymchwil y Senedd: Sefydlu corff llywodraethiant amgylcheddol: dadansoddiad cymharol. Cymhariaeth rhwng cynigion Papur Gwyn Cymru ar gyfer corff llywodraethiant amgylcheddol a'r hyn sy'n digwydd mewn mannau eraill yn y DU (2 Mai 2025).
- Erthygl gan Ymchwil y Senedd: Yr argyfwng natur: atal colli bioamrywiaeth erbyn 2030 yn “her aruthrol”. Gwaith craffu ar gynnydd Llywodraeth Cymru o ran mynd i'r afael â cholli byd natur cyn dadl yn y Senedd ar adroddiad y Pwyllgor Newid Hinsawdd, yr Amgylchedd a Seilwaith ar fioamrywiaeth (17 Ebrill 2025).
- Erthygl gan Ymchwil y Senedd: COP16: Bioamrywiaeth, o ddinas Cali i Gymru. Erthygl ar yr hyn y cytunwyd arno yn COP16 a chynnydd Cymru tuag at gyflawni ymrwymiadau’r Fframwaith Bioamrywiaeth Byd-eang, y cytunwyd arno yn COP15 (5 Rhagfyr 2024).
- Erthygl gan Ymchwil y Senedd: Y camau nesaf ar y llwybr i adfer natur. Crynodeb o'r Papur Gwyn ar Egwyddorion Amgylcheddol, Llywodraethiant a Thargedau Bioamrywiaeth, gan gynnwys sylwadau gan randdeiliaid (1 Gorffennaf 2024).
- Erthygl gan Ymchwil y Senedd: “Mae amser yn prysur ddiflannu” i Lywodraeth Cymru sefydlu corff gwarchod amgylcheddol. Crynodeb o drefniadau llywodraethiant amgylcheddol yng Nghymru, wedi i'r Pwyllgor Newid Hinsawdd, yr Amgylchedd a Seilwaith godi pryderon ynghylch y mesurau interim (23 Tachwedd 2023).
- Briff Ymchwil y Senedd: Llywodraethiant amgylcheddol yn y DU. Gwybodaeth gefndir am system llywodraethiant amgylcheddol yr UE (20 Tachwedd 2023).
- Briff Ymchwil y Senedd: Bioamrywiaeth 2023. Trosolwg o gyflwr bioamrywiaeth yng Nghymru, polisïau i'w gwarchod, a pha gamau eraill yr hoffai rhanddeiliaid eu gweld (10 Tachwedd 2023).
- Erthygl gan Ymchwil y Senedd: COP15: beth sydd wedi cael ei gytuno a beth mae hyn yn ei olygu i Gymru. Crynodeb o ganlyniadau COP15, ac yn enwedig y cytundeb ar y Fframwaith Bioamrywiaeth Byd-eang (9 Ionawr 2023).
- Erthygl gan Ymchwil y Senedd: Y bwlch llywodraethu amgylcheddol: pa mor gadarn yw’r mesurau interim? Cipolwg ar sut y mae’r mesurau llywodraethiant amgylcheddol interim yn gweithio (29 Tachwedd 2022).
Erthygl gan Dr Matthew Sutton a Dr Katy Orford, Ymchwil y Senedd, Senedd Cymru
