Rydym am glywed eich barn am Senedd TV. Cymerwch ran yn ein harolwg byr i’n helpu i wella’r gwasanaeth.
A all Llywodraeth Cymru fenthyg arian?
Cyhoeddwyd 30/11/2020 | Diweddarwyd Ddiwethaf 16/12/2024 | Amser darllen munud
Mae gan Lywodraeth Cymru bwerau benthyca cyfyngedig at ddibenion buddsoddi cyfalaf ac at ddibenion rheoli derbyniadau treth ansefydlog. Mae yna gyfyngiadau ar y swm y gellir ei fenthyca bob blwyddyn. Y terfynau benthyca cyffredinol tan 1 Ebrill 2018 yw:
- £500 miliwn ar gyfer gwariant cyfalaf; a
- £500 miliwn ar gyfer adnoddau i gyfrif am ansefydlogrwydd refeniw treth.
Cynyddodd y Fframwaith cyllidol bwerau benthyca cyfalaf:
- £1 biliwn gyfer gwariant cyfalaf; a
- £500 miliwn ar gyfer adnoddau i gyfrif am ansefydlogrwydd refeniw treth.
Yn ogystal, mae gan awdurdodau lleol fynediad i system o fenthyca darbodus ar gyfer prosiectau cyfalaf, o dan Adran 3 Deddf Llywodraeth Leol 2003. Ers 2004 mae gan awdurdodau lleol rwymedigaeth i ddilyn y Cod Benthyca Darbodus ar gyfer Cyllid Cyfalaf mewn Awdurdodau Lleol, a ddatblygwyd gan CIPFA.
Mae gan ymddiriedolaethau'r GIG bwerau benthyca hefyd, er nad oes gan Fyrddau Iechyd y GIG y pwerau hynny ar hyn o bryd. Cynhaliwyd ymgynghoriad yn y Pedwerydd Cynulliad ynghylch ymestyn pwerau byrddau iechyd yn hyn o beth.