Gallai Bil newydd sy'n mynd drwy'r Senedd sefydlu cylch pum mlynedd o ailbrisiadau treth gyngor, tra'n cynyddu amlder ailbrisio ardrethi annomestig (cyfraddau busnes) o bump i bob tair blynedd.
Cyflwynwyd Bil Cyllid Llywodraeth Leol (Cymru) i’r Senedd ar 20 o Dachwedd 2023.
Byddai'r Bil hefyd yn disodli'r ddyletswydd bresennol i gyhoeddi gwybodaeth am newidiadau i’r dreth cyngor mewn papurau newydd i ofyniad i gyhoeddi'n electronig, ac yn gosod gofynion ychwanegol ar dalwyr ardrethi i ddarparu gwybodaeth benodol i Asiantaeth y Swyddfa Brisio (VOA). Gallai methu â chydymffurfio â'r rheolau newydd arwain at gosb sifil, neu hyd yn oed drosedd lle mae trethdalwr wedi darparu gwybodaeth ffug yn fwriadol.
Mae rhagor o gyhoeddiadau Ymchwil y Senedd am y Bil ar y dudalen adnoddau hon, a fydd yn cael ei diweddaru wrth i’r Bil fynd rhagddo.
Erthygl gan Osian Bowyer, Ymchwil y Senedd, Senedd Cymru
