Mae cysylltiadau rhwng y DU a'r UE yn cael eu rheoli'n bennaf gan ddau gytuniad allweddol:
|
Mae'r Cytundeb Ymadael yn pennu'r telerau ar gyfer ymadawiad y DU â'r UE. Mae'r Cytundeb Masnach a Chydweithredu yn sefydlu eu perthynas newydd. |
Mae’r Cytundeb Ymadael yn cynnwys Protocol Gogledd Iwerddon, a addaswyd gan Fframwaith Windsor. Mae’r Protocol a’r Fframwaith ill dau mewn grym ond yn aml cyfeirir atynt gyda’i gilydd fel Fframwaith Windsor.
Mae'r ddau gytuniad yn cynnwys materion datganoledig y mae Llywodraeth Cymru yn gyfrifol am eu gweithredu, megis pysgodfeydd, iechyd, yr economi a'r amgylchedd.
Mae’r meysydd a gaiff eu cwmpasu gan y ddau gytuniad i’w cael yn y rhan fwyaf o adrannau o Lywodraeth Cymru, yn ogystal â’u rhwymedigaethau a'u goblygiadau.
Mae ein ffeithlun yn dangos lle mae cyfrifoldebau gweinidogol yn cyffwrdd â phrif rannau'r Cytundeb Masnach a Chydweithredu (CMC), y Cytundeb Ymadael (CY) a/neu Fframwaith Windsor (FW).*
*Mae'r ddau gytuniad yn gymhleth iawn ac yn cynnwys elfennau trawsbynciol. Crëwyd y ffeithlun hwn gan Ymchwil y Senedd er mwyn dangos Gweinidog Llywodraeth Cymru sy'n bennaf cyfrifol am bob prif faes.
Erthygl gan Sara Moran a Joe Wilkes, Ymchwil y Senedd, Senedd Cymru
Cyhoeddwyd 22/06/2021 | Diweddarwyd Ddiwethaf 27/01/2025
